Howlgalgalkan oo u jeedkiisu ahaa xaqiijinta dhinaca ammaanka ee wadada xiriirisa Magaalooyinka Muqdisho iyo Jowhar oo mararka qaar ay weeraro ka fuliyaan Ururka Al-Shabaab ayaa saraakiisha ciidamada waxaa ay sheegeen inay ku dileen Xubno ka tirsan Al-Shabaab.
Taliyaha guutada 16-aad kumaandooska xoogga dalka G/le Ismaaciil Cabdimaalik Maalik ayaa Idaacadda Ciidmadda Qalabka Sida u sheegay in halka looyaqaan Ceel-geeloow lagu toogtay Saddex Xubnood oo ka tirsan Al-Shabaab, kuwaas oo miino Aasayay.
G/le Ismaaciil ayaa tilmaamay inay howlgalka intii ay kuguda jireen kusoo saareen miinooyin Al-Shabaab ay galiyeen inta u dhexeeysa degmada balcad iyo magaalada jowhar ee xarunta gobolka shabeellaha dhexe.
Wadada xiriirisa Magaalooyinka Muqdisho iyo Jowhar ayaa waxaa dhowr jeer ka dhacay weeraro ay fuliyeen Al-Shabaab, kuwaas oo lagu dilay Askar, Shacab iyo mas’uuliyiin ka tirsan Maamulka Hir-Shabeelle.
Diwaanka wararka
Radio Daljir
FAALLOOYIN & FALCELIN