Ururka Daalibaan ayaa shegay in ciidamada Maraykanka ay uga tageen gudaha garoonka diyaaradaha Kabul ee Hamid Karzai diyaarado iyo gaadiid aan shaqeyneyn.
Ciidamada Maraykanka ayaa 73 diyaaradood iyo ku dhawaad 100 gaari iyo qalab kale markii ay ka baxeen Afghanistan waqtigii loo qabtay ee 31 Ogosto.
Madaxa taliska dhexe ee Mareykanka Gen Kenneth McKenzie ayaa xaqiijiyay in dhammaan qalabkaasi laga dhigay kuwa aan la isticmaali karin.
“Diyaaradahaas ma ahan kuwa dib dambe u duuli doona,” ayuu yiri. Diyaaradaha looga tagay Kaabul waxaa ka mid ah:
• Diyaaradaha qumaatiga u kaca ee MD-530, oo loo adeegsado sahanka iyo weerarka dhow
• A-29 oo ah diyaaradaha weerarka fudud loo isticmaalo. Bishii Juun, ciidamada qalabka sida ee Afgaanistaan waxay adeegsanayeen:
• 43 MD-530s, oo ay bixisay Maraykanka.
• 23 A-29s
Qiimaha alaabta ma aha kuwa si sax ah loo sheegi karo laakiin qiimaha qeybta A -29 ayaa lagu sheegay inay ka badantahay $ 10 malyan oo doolar.
Sida laga soo xigtay Gen McKenzie, 70 baabuur oo ah lagu baaro miinooyinka ayaa iyagana laga tagay, kadib markii laga dhigay kuwa aan geibi ahaana shaqeynayn.
Qiimaha hal gaari oo noocaas ah ayaa lagu sheegay inuu gaarayo inta u dhaxeysa $ 500,000 ilaa hal milyan oo doolar.
Sidoo kale waxaa Kaabuul looga tagay.
• 27 baabuurta milatariga dhulka gaar ahaan kuwa nooca la yirahdo Humvee.
• Tiro aan la cayimin oo ah qalabka difaaca gantaalaha iyo madaafiicda.
FAALLOOYIN & FALCELIN