Ugu yaraan 32 qof ayaa ku dhimatay 45 kalena waa ay ku dhaawacmeen kadib markii qarax uu ka dhacay gudaha masaajidka shiicada ee magaalada Kandahar ee koonfurta Afghanistan.
Qaraxa oo dhacay gelinkii dambe ee Jimcihii ayaa ka dhacay masaajidka Biibi Fatima, oo ah masaajidka ugu weyn ee ay ku cibaadeystaan Shiicadu magaalada.
Afhayeenka wasaaradda arrimaha gudaha Sayed Khosti ayaa bartiisa Twitter -ka ku yiri: “Waan ka xunahay inaan maqalno in qarax uu ka dhacay masaajid ay ku abtirsadaan shiicada oo ku yaal degmada koowaad ee magaalada Kandahar kaas oo ay ku shahiideen kuna dhaawacmeen tiro ka mid ah dadka aan isku dalka nahay.”
Qof goobjooge ah ayaa u sheegay wakaaladda wararka ee AFP inuu maqlay saddex qarax, mid ka mid ah albaabka weyn ee masjidka, mid kalena uu ka dhacay aagga koonfureed, iyo kan saddexaad oo ay cibaadadu isku maydho.
Sawirro ay suxufiyiintu ku baahiyeen baraha bulshada ayaa muujinayay dad badan oo sida muuqata dhintay ama dhaawac halis ah soo gaaray dabaqa dhiigga ee masjidka.
Dhacdadan ayaa dhacday toddobaad kadib markii daraasiin qof la dilay in ka badan 100 kalena lagu dhaawacay masaajid ku yaal waqooyiga gobolka Kunduz.
Talibanka ayaa ballanqaaday jawaab deg deg ah iyo in ay mas’uuliyadda iska saari doonaan kuwii ka dambeeyay weerarka Kunduz.
COMMENTS