Madaxweynaha Mareykanka Joe Biden ayaa waxa uu saxiixay amar u ogolaanaya millatariga Mateykanka in ay mar kale boqollaal ka mid ah ciidamada hawl-gallada gaarka ah keenaan gudaha Soomaaliya, taas oo inta badan meesha ka saaraysa go’aankii madaxweyne hore Donald Trump ee ku dhawaad 700 oo askari looga saaray Soomaaliya.
Sida uu qoray Wargeysa Newyork Times Mr. Biden ayaa ogolaaday codsi ka yimid Pentagon-ka oo ku saabsan in la beegsado ku dhawaad 12 qof oo lagu tuhunsan yahay inay ka tirsan yihiin hoggaamiyeyaasha Al-Shabaab, ee xiriirka la leh Al Qaacida, saddex ka mid ah saraakiisha ayaa sidaas yiri.
Tan iyo markii Mr. Biden uu la wareegay xafiiska, duqeymaha cirka ayaa inta badan ku koobnaa kuwa loogu talagalay in lagu difaaco ciidamada saaxiibada ah ee wajahaya khatar degdeg ah.
Isku soo wada duuboo, go’aamada uu soo saaray Mr. Biden, ee ay saraakiishu ku sheegeen shuruudo aan la magacaabin, ayaa dib u soo noolayn doona hawlgal furan oo Maraykan ah oo la dagaalanka argagixisanimada kaas oo u dhigma dagaal gaabis ah oo dhex maray saddex maamul.
Talaabadan ayaa ka duwan go’aankii uu sanadkii hore ciidamada Mareykanka uga saaray Afgaanistaan, isagoo sheegay in la joogo waqtigii la soo afjari lahaa dagaalka iska socda.
Mr. Biden ayaa saxiixay soo jeedinta Xoghayaha Difaaca Lloyd J. Austin III horaantii May, sida ay saraakiishu sheegeen. Bayaan ay soo saartay, Adrienne Watson, afhayeenka Golaha Amniga Qaranka, ayaa ku qiratay tallaabadaas, iyadoo sheegtay in ay suuragelin doonto “dagaal wax ku ool ah oo ka dhan ah Al Shabaab.”
COMMENTS