Waxaa soo baxaya warar sheegaya in diyaaradaha dagaalka ee Israa’iil ay duqeymo dhanka cirka ah ka fuliyeen qeybo ka mid ah bartamaha marinka Qaza, iyagoo duqeeyay xerada qaxootiga ee Nuseirat iyo deegaan u dhow daarihii Al-Qastal ee magaalada Deir el-Balah ee u dhow.
Lama oga khasaaraha ka dhashay dagaalka.
Horaan, Aljazeera Carabi waxay sheegtay weerar kale oo Israel, oo ka dhacay xaafadda Sheikh Radwan ee waqooyiga magaalada Gaza, oo lala beegsaday masaajidka Al Radwan. Wakaaladda wararka ee Wafa ayaa sheegtay in weerarka uusan geysan wax khasaare ah.
Weerarada ay Israa’iil fulisay ayaa kusoo aadaya, xilli Saraakiil Mareykan ah ku wajahan yihiin dhulka ah Israa’iil heysato si a uga difaacaan hadii ay dowladda Iiraan soo weerarto.
COMMENTS