Garowe, Dec 16 – Xulalka gobollada Sool & Gedo, iyo Mudug & Banaadir ayaa maanta isku arkay tartanka ciyaaraha gobollada. Ciyaartoyda ayaa soo bandhigay xirfad ciyaar iyo qaab ciyaareed oo aad u wanaagsan, aadna u raali galiyey daawadayaasha ciyaaraha. Xulalka Sool & Gedo oo ciyaartii hore isku arkay ayaa ay ciyaartoodii ku dhamaatay barbardhac (3-3), koox kastina ay 1 dhibic sidaa ku heshay. Xulalka Mudug & Banaadir ayaa ay ciyaartoodu hadda socotaa, inkasta oo Mudug ay 1 gool dhaliyeen nuskii hore ee ciyaarta. Tababarayaasha xulalka gobollada ayaa sheegay in ay diyaar u yihiin ciyaarta, ayna ku han weyn yihiin in ay guushu iyaga raaci doonto. Ciyaarta 1-aad oo dhex mari doonta gobollada Sool & Gedo ayaa dhici doonta 2:00 galabnimo halka gobollada Mudug & Banaadir ay is arki doonaan 3:30 galabnimo. Tababarayaasha xulalka is arki doona maanta oo aan ka waraysanay u diyaargarowga ciyaarta ayaa sheegay in uu moraalkoodu aad u sareeyo, ayna filayaan ciyaar wanaagsan.
Ciyaaraha ayaa si toos ah uga bixi doona idaacada Daljir.
COMMENTS