Kulankii Baarlamaanka ee maanta ayaa waxaa Shir Guddoominaya Guddoomiyaha Golaha Shacabka Maxamed Mursal Sheekh Cabdiraxmaan iyo Guddoomiye ku-xigeenka labaad ee Golaha Mahad Cabdalla Cawad, isla markaana waxaa Goobjoog ka ah 56 Xildhibaan.
Ajendaha ayaa waxaa uu yahay.
1-Furitaanka Ayaadaha Quraanka Kariimka
2-Ansixinta Ajendaha
3-U Codeynta Sharciga Maareynta Maaliyadda Guud PFM.
4-U Codeynta Sharciga Shirkadaha
5-Qeybinta Warbixinta Guddiga ee Odoraska Miisaaniyadda Qaranka ee Sanadka 2020-ka
6-Qeybinta Heshiiska Aasaasida Wakaaladda Damaanad Qaadka Maal-gashiga
Ugu Horeyntii Mudanayaasha Golaha Shacbka Baarlamaanka ayaa cod u qaaday Sharciga Maareynta Maaliyadda Guud PFM.
Waxaa Ogalaatay 148 Mudane, Waxaa Diiday 6, waxaana ka aamustay 2 sidaas Darteed Sharciga sidaas ayuu ansax ku Noqday.
Dhanka kale Mudanayaasha Golaha Shacabka Baarlamaanka aya sidoo kale Cod u Qaaday Sharciga Shirkadaha waxa Ogalaatay 156, wax Diiday majirin, wax ka aamusay Ma Jirin Sidaas Ayuu Ansax Ku Noqday Sharciga Shirkadaha.
COMMENTS