Abdul Qadeer Khan, oo lagu ixtiraamo inuu yahay aabaha barnaamijka nukliyeerka ee Pakistan ayaa dhintay isagoo 85 sano jir ah.
Saynisyahankii reer Pakistan ee atomik-ka, ayaa lagu ammaanay inuu yahay geesi qaran oo dalkiisa ka dhigay quwadda ugu horreysa ee nukliyeerka Islaamka ee dunida laakiin reer galbeedku u arkaan inuu yahay nin daalim halis ah oo mas’uul ka ah tahriibinta teknolojiyadda waddammada aan wanaagsanayn.
Khan waxaa la dhigay isla isbitaal bishii Ogosto ka dib markii uu ku dhacay coronavirus.
Ka dib markii loo oggolaaday inuu ku laabto gurigiisa dhowr toddobaad ka hor, dib ayaa loogu soo celiyay ka dib markii xaaladiisu xumaatay.
Wasiirka arrimaha gudaha ee Pakistan Sheikh Rashid Ahmad ayaa bartiisa Twitter -ka ku sheegay in kulan degdeg ah la isugu yeeray madaxda sare ee dalka Pakistan si loo dhammeeyo qabanqaabada xafladda aaska.
Madaxweynaha Pakistan Arif Alvi ayaa sheegay inuu aad uga xun yahay igeerida Dr Abdul Qadeer Khan oo uu si shaqsi ah u yaqaanay tan iyo 1982 -kii.
COMMENTS