Cutubyo katirsan Qeybta Booliska ee Howlgalka KMG ah ee Midowga Afrika ee Soomaaliya (ATMIS) ayaa soo gaaray Magaalada Muqdisho, kuwaas oo ka kooban 160 Sarkaal oo ka tirsan Booliska Nigeria, iyaga oo taageero u fidin doona Booliska Soomaaliyeed si waafaqsan qorshaha kala guurka ee Soomaaliya.
Ciidanka yimid ayaa bedelaya kuwo kale, oo ka socda Booliska Nigeria , kuwaas oo dhawaan ku laabtay Nigeria ka dib markii ay soo gabagabeeyeen socdaal shaqo oo ay ka mid ahaayeen in ay gacan ka geystaan sugidda amniga intii lagu jiray doorashooyinkii baarlamaanka iyo madaxweynaha ee dhawaan ee ka qabsoontay Soomaaliya.
Sida ku cad Qaraarka Golaha Ammaanka ee Qaramada Midoobay, Qaybta Booliska ee ATMIS waxay yeelan doontaa 1, 040 shaqaale ah, oo ay ku jiraan shan Unug Booliis oo la Sameeyay, waxayna sii hayn doonaan tiradaas illaa Diseembar 2024.
“Saraakiishan waa kuwo si fiican u tababaran oo anshax leh. Waa ay gudan doonaan waajibaadkii loo igmaday, mana fashilin doonaan dalkooda iyo Midowga Afrika,” ayuu yiri Kormeere Mohammed Ibrahim, Taliyaha qeybta guud mar uu la hadlayay saraakiisha markii ay soo gaareen Muqdisho.
Waajibaadka kale, saraakiisha waxaa laga filayaa inay taageeraan tababarada gaarka ah, la-talinta SPF oo ay ku jiraan ilaalinta wadajirka ah iyo ilaalinta qalabka muhiimka ah. Waxay sidoo kale taageeri doonaan awoodda adeeg bixinta booliska Soomaaliyeed bixinta adeegyada booliska ee Soomaaliya oo dhan waxayna gacan ka geysan doonaan ka hortagga xagjirnimada rabshadaha wata iyo khalkhalka bulshada iyadoo loo marayo booliska.
Ku-xigeenka Taliyaha Booliska, Fidelix Jonah Awu, oo hoggaaminayey kooxda Muqdisho timid ayaa xusay in ay si waafi ah ugu diyaar garoobeen inay doorkooda ka qaataan horumarinta sareynta sharciga iyo dadaallada lagu soo celinayo nabadda iyo xasilloonida Soomaaliya.
Tani waa unuggii kow iyo tobnaad ee booliiska Nigeria ee loo soo diro Soomaaliya tan iyo sanadkiii 2012-kii. Waxaana dalalka Ciidamada Booliska ugu deeqay howlgalka ATMIS ay kala yihiin Ghana, Kenya, Nigeria, Sierra Leone, Uganda iyo Zambia kuwaas oo la geeyay dhammaan shanta qaybood ee hawlgalka.
COMMENTS