Qaybtii 2aad ee waraysiga Halgamaa Xasan Jabhad
Halgamaa Xasan Jabhad waxa uu waraysigan ugu jawaabaya RW Abiy Axmed iyo taalada uu yiri waxaa laga dhisayaa buurta Kaaraamardha, looguna “dabaaldegaynaa guushii Kaaraamardha oo aan si dhab ah oo aan leexleexad lahayn uga guuleysanay ciidamadii Soomaaliya ee nagu soo duulay.”
Waxaa kale oo Xasan Jabhad falaanqaynayaa dagaalkii buurta Kaaraamardha iyo aagga Jigjiga iyo sidii ay Ciidanka Xoogga Dalka Soomaaliyeed (CXD) oo kaashanaya Jabhadda Xoreynta Soomaali Galbeed ay guulo waaweyn uga gaareen dagaalka, kahor intii ayan Ruushka iyo Kuuba u soo gurman Itoobiya.
Waraysiga Xasan Jabhad kahor, Jabarti Nor oo u jawaabaya RW Abiy Axmed ayaa asna bartiisa Twitterka ku soo qoray ereyo kooban oo ka tarjumaya guushii koobneyd ee Soomaalida iyo sida Soofiyeetka iyo Kuuba ay Soomaali maalinkaas uga hiiliyeen, una hiiliyeen gumeystihii Dergiga.
Let Abiy know we defeated the fascist derg soldiers before the Soviet and Cuban come to their rescue. Kaaraamardha is symbol of our 500 year old resistance of the occupiers and the everything they represent. We would built a momentum of the Martyrs on the Kaaraamardha. pic.twitter.com/LHj01sJ3tg
— JABARTI O. NOR (@JabartiOmar) March 5, 2020
Jawar Maxamed, hoggaamiyaha qowmiyadda Oromada, asaga oo u jawaabaya Abiy Axmed ayaa asna ku tilmaamay in Abiy uu yahay nin hagaya gumeysi cusub oo gobolka iyo dadka gumeysiga ka xoroobay raba in uu gumeysi dib ugu celiyo.
1/2: Itoobiya & Somaliya @Jawar_Mohammed: "Waxa ay u egtahay in walalaheyga Somaliyed ay ugu danbeyntii ku baraarugeen mashruca gumeysiga cusub ee lagu soo kariyey Shagar. Haddii aad u qabtaan in arrinka Kaaraamardha uu yahay qalad ka dhacay [Abiy Axmed] weli waxba maydan arag." pic.twitter.com/SMWRXoebpg
— Radio Daljir (@radiodaljir) March 7, 2020
Hoos ka dhegayso waraysiga HALGAMAA Xasan Jabhad
Diiwaanka wararka
Radio Daljir
COMMENTS