Garowe, July, 04, 2016 – Axmed Cawil Jaamac oo ah Asaaimaha Radio Garowe, xubin firfircoona ka ah xubnaha GA-ga ee ururka MAP ayaa waraysi gaar ah oo uu siiyay Radio Daljir ayuu ku sheegay in xukuumadda Puntland looga baahanyahay Dastuurka in ay xurmayso.
Axmed Cawil ayaa yiri “Waan ku faraxsanahay in Daljir lasiidaayo, waxay arrintaan ku fiicnahayd in sharciga ay xukuumaddu adeegsato, balse waxaa reer Daljir iyo MAP looga baahanyahay in ay ka shaqeeyaan sidii Mag-dhow Daljir loogu samayn lahaa, waayo 12 bari ayay xirnayd, samcadeedii xattaa waa la dilay, waase in haddii xukuumaddu sharcigii baalmartay ay Daljir sharciga adeegsataa”
Agaasime Axmed Cali waxaa uu sheegay in aysan shaqada warbaahinta waxba u dhimaynin xariga xarumaha warbaahinta loo gaysto, waxaa uu hadalkiisa raaciyay in haddii idaacad la xiro, idaacad kale ay baahinayso adeegii ka bixi-jiray hay’adda la xiray, waxaa uu ugu dambayn shaaca ka qaaday in hanjabaadii Wasiir Soocade ay sharciga la tiigsan-doonaan, baarlamaanka Puntland-na cabasho gaaryeesiiyeen ururka MAP.
Diiwaanka Wararka,
Radio Daljir
COMMENTS