Sarkaalkaan oo la sheegay in uu ka tirsanaa Al-Shabaab ayaa waxaa lagu Magacaabaa Ibraahim Manuur Cusmaan,waxaana uu isku soo dhiibey Maamulka Degmada Diinsoor ee Gobolka Baay.
Sarkaalkaan ayaa la sheegay in mudo 9-sano ah uu ka mid ahaa Al-Shabaab,isagoona hoggaamin jirey daagaalo kala duwan oo lagu soo qaadey Degmada Diinsoor iyo Deegaano Ka tirsan Koonfur Galbeed.
Taliyaha Ciidanka Daraawiishta Maamulka Koonfur Galbeed Shiine Mayow Aadan iyo Guddoomiyaha degmada Diinsoor ee Gobolka Baay Ibraahim Maxamed Nuur Shig-shigow ayaa si wadajir ah u sheegay in xiriir uu la soo sameeyay sarkaalkaan,islamarkaana ay soo dhoweeyeen.
Ibraahim Manuur Cusmaan ayaa ka dalbaday shacabka Soomaaliyeed iney cafiyaan,sheegeyna inuu ka tanaasulay fikirkii Ururkii uu ka tirsanaa ee Al-Shabaab.
Si kastaba weli dhankooda wax war ah kama soo bixin Al-Shabaab ee ku aadan sarkaalkaan ay soo bandhigeen Maamulka degmada Diinsoor oo ay sheegeen in uu kasoo goostay Al-Shabaab.
COMMENTS