Golaha Deegaanka magaalada South Portland ee dalka Maraykanka ayaa Deeqa Cabdi Dhalac u doortay in ay noqoto Duqa magaalada South Portland Gobolka Maine ee dalka Maraykanka.
Deqa Cabdi Dhalac oo ka tirsanayd Gollaha deegaanka magaalada South Portland,gaar ahaan xaafadda 5-aad waxay dalka Maraykanka gashay sanadkii 1992,waxayna wax ku baratay dalka maraykanka,iyadoo in muddo u adeegaysay dadka ku nool Magaalada South Portland ee Gobolka Maine ,gaar ahaa dadka soo galootiga ah.
Deeqa ayaa sanadkii 2018 loo doortay Golaha deegaanka Magaalada South Portland,gaar’ahaan Xaafada 5-aad.
Marwo Deqa Dhalac ayaa waxay noqnaysaa gabadhii ugu horraysay ee soo galooti Africaan Soomaali ah Muslim ah oo loo doorto Duqa magaalo ka mid ah magaalooyinka Maraykanka.
COMMENTS