Guddoomiyaha Aqalka Sare Cabdi Xaashi Cabdullaahi iyo Ra’iisul wasaare ku xigeenka Soomaaliya Mahdi Maxamed Guuleed ayaa soo saaray hab raaca doorashada kuraasta Aqalka Sare.
Labada Hoggaamiye oo ah kuwa ugu sareeya doorashada gobolada Waqooyi ayaa sheegay in ay soo saari doonaan liiska Musharaxiinta Aqalka Sare dhawaan ayna ku wareejin doonaan guddiga doorashooyinka heer dowlad goboleed.
Habraaca ayaa laga saaray dowrkii Rooble, kadib markii Cabdi Xaashi iyo Mahdi Guuleed ay ku hesheeyiin in ay iyagu toos ugu gudbiyaan Guddiga Doorashooyinka, sida lagu xusay Habraacii ay saacad ka hor soo saareen.
Horey habraacii kasoo baxay RW Rooble & Madaxda Dawlad gobaleedyada ayaa farayey in ay Liiska xubnaha musharaxiinta u soo gudbiyaan RW Rooble, Cabdi Xashi & Mahdi Guuleed, taas oo maanta ay ka kaaftoomeen Ra’iisul Wasaare Kuxigeen Mahdi iyo Gudoomiye Cabdi Xaashi
COMMENTS