Hoggaamiyaha Maamulka SSC-Khaatumo Cabdiqaadir Axmed Aw-Cali ayaa hoyga uu ka deganyahay caasimadda Soomaliya ee Muqdisho ku qaabilay mas’uuliyiin sar sare oo ka tirsan Dawladda Federaalka ee Soomaaliya, kuwaas oo ugu yimid booqasho iyo salaan.
Masuuliyiinta ayaa waxaa kamid ahaa Guddoomiye ku-xigeenka 2aad ee Aqalka Sare mudane Cabdillaahi Cali Xirsi “Timacadde”, Wasiirka Amniga Gudaha xukuumadda JFS Dr. Maxamed Sheekh Cali “Doodisho”, Wasiiru Dawlaha Wasaaradda Hawlaha Guud, Guryaynta iyo Gaadiidka, Sarreeye Guud Bashiir Maxamed Jaamac, Taliyaha Ciidanka Booliska Soomaliyeed Sarreeyo Guuto Sulub Axmed Firin, iyo masuuliyiin kala duwan oo ka tirsan golayaasha kala duwan ee dawladda Federaalka Soomaliya.
Hoggaamiye Cabqdiqaadir ayaa ugu mahadceliyay masuuliyinta dawladda ee booqashada ugu yimi, isagoo ku boggaadiyey soo dhawayntii diirranayd ee dawladda Federaalka Soomaaliya iyo shacabka caasimadda Muqdisho ku maamuseen waftiga uu hoggaaminayay.
Hoggaamiyaha Maamulka SSC-Khaatumo Cabdiqaadir Axmed Aw-Cali ayaa la filayaa inta uu ku sugan yahay magaalada Muqdisho inuu kulamo la yeesho Madaxda dowladda Federaalka Soomaaliya.
COMMENTS