Ingiriiska oo maanta ah quwad dhacday oo tabar iyo taag toona aan lahayn ayaa dhawaalahaan waxay saarantahay Ruushka oo meel saaray NATO oo aan cidi ka maqneyn. RW Keir Starmer waxa uu hadda garab dhanka afka ah ka helay RW hore ee Ingiriiska Rishi Sunak oo asal ahaan ka soojeeda dalka Hindiya.
Rishi oo u hanjabaya Ruushka ayaa ugu baaqay waddamada reer Galbeedka inay si toos ah ula wareegaan $300 oo bilyan oo doolar oo ah hanti Ruushku leeyahay oo reer Galbeedku xayireen ayaga oo marmarsiinyo ka dhiganaya dagaalka Ukraine. Rishi ayaa sii raacahay, “Moscow waa in lagula xisaabtamaa burburka ay u geysatay Ukraine, waxaana la gaaray waqtigii Putin lagu khasbi lahaa kharash bixin.”
Ruushku kama aamusin hantaataca Rishi Sunak oo waxaa u jawaabay Afhayeenka Wasaaradda Arrimaha Dibadda Ruushka Maria Zakharova waxayna tiri, “Xatooyada Ingiriisku uu rabo in uu xado xoolaha Ruushka ma aha wax cusub oo waa mid la xiriirta dhaqanka soojireenka ah ee Boqortooyada Ingiriiska oo ah burcad-badeednimo aan geed loogu soo gabban.”
> Daljir Media
COMMENTS