Maxkamada Kenya ayaa xabsiga ka sii deysay Sulub Warfaa oo 36 sano jir ah kadib markii looga shakiyay inuu xiriir la leeyahay ururka Al-Shabaab.
Sulub Warfaa oo la hadlayay saxaafada markii ay sii daysay maxkamada Garisa ee gobolka Waqoyi Bari Kenya ayaa yiri:”Inaan ku dhashay Muqdisho macnaheedu ma ahan inaan ahay argagaxiso.”
Warfaa oo ka hadlayay sidii loola dhaqmay dhowrkii maalmood ee uu xirnaa ayaa sheegay inaysan wax jirdil ah oo lagula kacay ayna Boolisku si wanaagsan ula dhaqmeen.
“La ima jirdilin,saraakiishu howlahoodii ayay guteen,waana ku faraxsanahay inaan dib u helay xoriyadeyda.”ayuu yiri Warfaa.
Warfaa ayaa laga qabtay horaantii toddobaadkan meel ku dhow xadka Soomaaliya iyo Kenya isagoo lagu eedeeyay inuu sitey labo Baasaboor oo magacyo kala duwan ay ku qoran yihiin.
COMMENTS