Madaxwweynaha Dowlad Goboleedka Jubbaland Axmed Maxamed Islaam ( Madoobe) oo xalay ku hoyday degmada Afmadow ee Gobolka Jubbada Hoose, ayaa halkaasi ka billaabaya kulamolagu dardar gelinayo dagaalka ka dhanka ah Al-Shabaab.
Madaxweynaha ayaa waxaa la filayaa in saacadaha soo socda uu booqdo degaanka Harboole, halkaas oo dhawaan Ciidamada xoogga dalka iyo kuwa daraawiishta Jubbaland ay dagaal xoogan kula galeen Xubno katirsan Al-Shabaab.
Waxaa la filayaa in Madaxweynaha Jubbaland uu kulamo la qaato Saraakiisha hoggaamineysa howlgallada ka socda duleedka degmada Afmadow, isaga oo kala hadli doona sidii loo dardargelin lahaa dagaalka ka dhanka ah Al-Shabaab, si looga saaro degaannada hoostaga degmada Afmadow.
Madaxweyne Axmed Madoobe ayaa xalay kulan gar ah la qaatay Mas’uuliyiinta Maamulka degmada Afmadow iyo sarakiisha Ciidamada eek u sugan, iyaga oo ka wada hadlau sugida amniga degmada iyo sidii la isaga difaaci lahaa weerarada Al-Shabaab.
Wararka aan heleyno ayaa waxaa ay sidoo kale sheegayaan in Madaxweynaha Jubbaland uu dalacsiin doono qaar kamid ah Saraakiisha iyo Ciidamada ku sugan degaanka Harboole, kuwaas oo dhawaan ku jebiyay Al-Shabaab oo dagaal kusoo qaaday.
COMMENTS