Agaasimaha Sirdoonka Qaranka Maraykanka Avril Hanes ayaa hadalkaasi ka sheegtay Shirka sanadlaha ee Amniga iyo Sirdoonka ee 2021 oo lagu qabtay magaalladda Washington DC.
Kulankaasi waxaa isku soo duway Ururka Isgaarsiinta iyo Elektroonikada ee Ciiddanka Hubeysan iyo Isbahaysiga Sirdoonka iyo Amniga Qaranka dalka Mareykanka.
Agaasimaha Sirdoonka Qaranka Maraykanka, Avril Hanes oo Shirka kaga qeyb gashay Aaladda Fogaan Araga ayaa waxaa ay tiri: “Cabsida ugu sareysa ee Argagixisada ee Xilliga ma aha dalka Afganistan, balse waxaan aad u arkaa inay Khatarta ka soo fool leedahay dalalka Somalia, Yemen, Syria, Iraq iyo Kooxda Daacish, waa sida ay hadalka u dhigtay.
Waxay sii raacisay Cabsida Koowaad ee Argagixisada ma aha Afganistan ee waxa ay Hay’addaha Ammaanka iyo Sirdoonka si gaar ah indhaha ugu hayaan khataraha Argagixisada ee Maraykanka uga imaan kara dhowrka dal ay farta ku fiiqday ee kala ah Somalia, Yemen, Syria, Iraq iyo Kooxda Daacish ee ISIS.
Dowladda Maraykanka waxay horey u sheegtay in Kooxda Daacish-ta Afganistan ee ISIS-K tahay Khatarta weyn ee ay ugaarsan doonaan, kadib, markii ay weerar Is-qarxin ah bishii hore August 26-dii la geysteen Garoonka Diyaaradaha Hamid Karazai International Airport ee ku yaalla Caasimada dalka Afganistan ee Kabul, iyadoo weerarkaasi lagu dilay 170 qof oo ay 13 ka mid Askar Maraykan ahaayeen.
COMMENTS