Dowladda Mareykanka ayaa bixisay lacag dhan 700 oo milyan oo dollar si wax looga qabto dhibaatooyinka abaareed ee waxyeeleeyay ku dhawaad kala bar dadka Soomaaliyeed ee xilligaan kajirta meelo kamid ah dalka Soomaaliya.
War kasoo baxay Hay’adda Mareykanka u qaabilsan Arrimaha Gargaarka ee USAID ayaa waxaa lagu sheegay in ay si degdeg ah u kordhiyeen dadaallada gargaarka si ay u bixiyaan gargaar degdeg ah si wax looga qabto abaarta.
Sidoo kale Hay’adda ayaa sheegtay in macaluul laga saadaalinayo degmooyinka Baydhabo iyo Buurhakaba ee gobolka Baay, inta lagu guda jiro bilaha Oktoobar-December, haddii aan si degdeg ah gargaar naf badbaadin ah loo helin si loo gaarsiiyo dadka aadka ugu baahan.
Ilaa 7.8 milyan oo Soomaali ah ayaa waxaa saameysay abaartii ugu darneyd muddo afartan sano ah, iyadoo in ka badan 1 milyan ay ku barakaceen abaar oo ay ku jiraan ku dhawaad 99,000 bishii Ogoosto.
Wada-hawlgalayaasha bani’aadamnimada waxay ku tartamayaan waqtiga si ay u badbaadiyaan nolosha Dadka laga soo bilaabo Luulyo, in ka badan 5.3 milyan oo qof ayaa helay gargaar, marka loo eego 4.4 milyan bishii Juun.
Warbixinta kasoo baxday deeq bixiyeyaaha ayaa lagu sheegay in Deeq-bixiyeyaashu ay si deeqsinimo ah u kordhiyeen maalgelinta. Qorshaha ka jawaabista bini’aadantinimada, iyada oo 65 boqolkiiba la maalgeliyay laga bilaabo 31ka Ogoosto.
Sidoo kale Mareykanka ayaa sheegay in 10 milyan oo dheeraad ah u qorsheeyay Sanduuqa Bani’aadantinimada Soomaaliya si loogu taageero bulshooyinka ku nool meelaha khatarta ugu badan ay ugu jiraan ee macluusha.
COMMENTS