Maxkamadda Ciidamada qalabka sida qeybta 60aad ayaa Maanta waxaa ay xukun ku riday Nin la sheegay in lagu helay la shaqeynta Ururka Al-Shabaab oo ku sugan degaano ka tirsan Koonfur Galbeed.
Ninka la sheegay in lagu helay la shaqeynta Al-Shabaab ayaa waxaa lagu Magacaabaa Xasan Cali Gaas, waxaana Xeer ilaalinta Maxkamadda Ciidamada ay ku eedeysay in uu la Shaqeynayay Xubno ka tirsan Al-Shabaab oo ku sugan Tuulada Ceelgaras.
Guddoomiyaha maxkamadda Ciidamada qeybta 60-aad oo ku dhawaaqay xukunka maxkamadda ayaa sheegay in Xasan Cali Gaas lagu qabtay, isaga oo waday 218 Xabo oo rasaasta Qoray AK47 ah oo uu u wadayTuulada Ceel-garas oo ay maamulaan Al-Shabaab, waxaana Maxkamadda ay ku xukunta Shan sano oo xabsi Ciidan ah.
Guddoomiyaha ayaa sidoo kale sheegay in xukun sane Xasan Cali Gaas Cali uu u furan yahay racfaan ku siman muddo 30 Cisho ah.
FAALLOOYIN & FALCELIN