Ra’iisul Wasaaraha UK Boris Johnson ayaa laga saaray maanta isbitaal loogaga daweeyay xanuunka Coronavirus,isagoo muddo saddex maalmood ah ku jirey qeybta gargaarka deg-degga ah.
Hase yeeshee Ra’iisul Wasaare Johnson ayaan shaqada ku laaban doonin sida lagu shaaciyay war qoraal ah oo ka soo baxay xafiiskiisa.
Mr Johnson, oo 55 sano jir ah, ayaa la jiifiyay isbitaalka St Thomas’ hospital magaalada London Axadii aynu ka soo gudubnay toban malamood ka dib markii laga helay fayraska Corona.
Qoraal ka soo baxay xafiiska Ra’iisul Wasaaraha ayaa loogaga mahad celiyay shaqaalaha isbitaalka daryeelka wanaagsan oo ay siiyeen ra’iisul wasaaraha.
Haweeneyda saaxibka la ah ra’iisul wasaaraha UK Carrie Symonds ayaa is karantiishay markii lagu arkay calaamadaha
Ku simaha Ra’iisul Wasaaraha ayaa ah Xoghayaha arrimaha dibedda Dominic Raab,waxaana la rajeynayaa in ra’iisal wasaaruhu shaqada ka maqnaan doono muddo bil ah.
Diwaanka wararka
Radio Daljir
COMMENTS