Garacad, 22, March, 2016 -(Daljir)_Ra’iisul Wasaaraha Xukuumadda Federaalka Soomaaliya Mudane Cumar C/rashiid Cali Sharma’arke iyo Wafdi uu Hoggaaminayo ayaa gaaray Magaalada Baladweyn ee Xarunta Gobolka Hiiraan.
Ra’iisul wasaare Cumar Cabdirashiid iyo wafdiga la socda oo uu ka midyahay Wasiirka Warfaafinta, dhaqanka iyo Dalxiiska ayaa waxa ay la kulmayaan Maamulka Gobolka iyo Odayaasha Dhaqanka, isagoo kala hadlaya Arrimaha shirka Maamul u sameynta dadka dega Gobollada Hiiraan iyo Shabeellaha Dhexe.
Wasiirka Warfaafinta Soomaaliya Maxamed Cabdi Xayir “Maareeye” ayaa sheegay in socdaalka Wafdiga Ra’iisul wasaaraha uu ujeedku ahaa sidii odoyaasha dhaqanka looga hadli lahaa ka qeyb qaadashada shirka maamul u sameynta Gobollada Hiiraan iyo Shabeelaha Dhexe
Wasiirka Arrimaha Gudaha iyo federaalka Xukuumadda Soomaaliya oo maalmahan ku sugnaa Magaalada Baladweyn ayaa ku soo dhaweyay Wafdiga Ra’iisul wasaaraha.
COMMENTS