Ciidamada amniga magaalada Bosaso ayaa maanta xabsiga dhigay Nabadoon Cabdicasiis Baydhabo.
Waxa uu kamid ahaa Nabadoono ka qeyb galay kulan ka dhacay magaalada Bosaaso lagu dhaliilay xukuumadda uu hogaamiyo madaxweyne Deni.
Nabadoon Cabdicasiis Baydhabo ayaa galabta laga soo qabtay guriga uu ka degan yahay magaalada Boosaaso oo ku dhawaa Hotel Bulsho.
Horey Booliiska Boosaaso, waxa ay xabsiga u dhigeen shan nabadoon iyo Siyaasi Muuse Cali Jaamac oo ka qeyb galay kulan ka dhan ahaa xukuumadda Puntland.
Nabadoonada iyo siyaasiyiinta xabsiga loo taxaabay ayaa maalmo ka hor kulan ay ku qabteen magaalada Boosaaso waxa ay ku dhaliileen heshiiska ay dowladda lagashay Shirkadda DP Word ee gacanta ku haysa dekadda magaalada Bosaso.
Waxaa jira Nabadoono iyo Siyaasiyiin ku sugan gudaha magaalada Bosaaso oo ay ciidamadu baadigoob ugu jiraan.
Diiwaanka wararka.
Radio Daljir.
FAALLOOYIN & FALCELIN