Garowe, Sept 02 – Barnaamijka Tartan & Tacliin ee ay ku tartamaan dugsiyada sare ee Puntland ayaa waxaa xalay isku haleelay 2-da iskuul ee Gambool & Nugaal ee labaduba ku yaal Garowe.
Tartan kulul dabadeed, waxaa ay guushu ku raacday dugsiga sare ee Nugaal, Garowe oo dhaliyey 9 dhibcood, una gudbay wareega finaalaha ee barnaamijka Tartan & Tacliin.
Dugsiga sare ee Gambool, Garowe ayaa ka jawaabay 3 su’aalood oo ka mid ah 8-dii su’aalood ee la weydiiyey, kana ka faa’iidaystay 1 su’aal, sidaasna uu ku helay 7 dhibcood.
Dugsiga sare ee Nugaal, Garowe ayaa ka jawaabay 4 su’aalood oo ka mid ah 8-dii su’aalood ee la weydiiyey, kana faa’iidaystay 1 su’aal, sidaasna ku helay 9 dhibcood, guushuna ay sidaa ku raacday.
Caawa ayaa waxaa barnaamijka isku haleeli doona dugsiyada sare ee Sh. Cismaan, Qardho & Al-waaxa, Garowe.
Sida caadada ah waxaa barnaamijka maareynayey madaxda idaacada Daljir, shirkada Golis iyo hay’ada ardayda Puntland ee PEN.
Diiwaanka Wararka,
Idadacada Daljir.
COMMENTS