Haddii hore uu Trump si sarbeebeysan hore ugu digi jiray Madaxweynaha Ukraine Zelensky maanta galka ayuu seefta kala baxay. Qoraal dheer oo uu bartiisa soo dhigay ayaa sidaan hoose u qornaa:
“Bal ka warran haddii shaaciroole yara iska roonaa dhanka shaacirada, waa Volodymyr Zelensky e, uu ka dhaadhiciyey dawladdii Mareykanka in ay lacag dhan $350 bilyan oo doolar ku maalgaliso dagaal aan guul laga gaarin karin, oo markii horeba aan loo baahneyn in uu biloowdo. Hadde waa dagaal Mareykanka iyo ‘TRUMP’ la’aantood xataa uusan xal u heli karin.
Dawladda Mareykanku waxa ku bixisay dagaalka Ukraine $200 oo bilyan lacag ka badan inta Yurub ku bixisay. Hadde ogoow lacagta Yurub waxay Ukraine ballanqaaday in ay u soocelinayso, laakiin tan Mareykanka meel laguma oga. Maxaa u diiday ninkii indhaha isku haystay ee hurdada badnaa ee la oranjiray Joe Biden inuu dalbado in labada daymood isku mid laga dhigo oo tan Mareykanka looga dhigay mid aan marnaba la bixin doonin.
Dagaalka Ukraine saameyntiisu waa mid Yurub ku kooban oo annaga naga fog, oo waxaa noo dhaxeysa badweyn aad u qurxoon oo aad u weyn. Kaagaba sii daran e, Zelensky wuxuu noo sheegay in uusan aqoon lacagta barkeed meel ay aaday oo illaa iyo hadda la la’yahay. Markaasuu haddana diidanyahay in uu doorasho qabto, illeen dalkaba lagama rabo e, laakiin waxa kaliya oo uu ku fiicanyahay waxay ahayd in uu Biden sida muusikadii u garaacdo.
Mid kale iga ogoow, Kaligitaliyahaan Zelensky waa in uu degdeg doorasho u qabtaa ama dal ka harayaa ma jiri doono. Saas oo xaal yahay waxaan wadnaa wadaxaajood sidii dagaalka lagu joojin lahaa, waana xaajo ‘TRUMP” iyo maamulka Trump oo kaliya ay ka xaajoon karaan. Biden waligiisba iskuma dayin in uu xal u helo dagaalka Ukraine. Yurub ayana waa ku fashilantay in ay nabad ku soo dabaasho Ukraine. Kaas Zelensky ah asna wuxuuba rabaa in uu maraqiiska iska dhuuqo.
Ukraine waa jeclahay, laakiin Zelensky waa faashil, waddankiisiina waa muraayad jabtay, malaayiin dadkiisa ahna waa ku daayeen oo dhinteen – walina waa socotaa oo ma istaagin …”
> Daljir Media
COMMENTS