Waddo kutaala Magaalada Minneapolis ee dalka Mareykanka ayaa loogu magacdaray Allaha u naxariistee Xuseen Samatar oo ahaa mas’uulkii ugu horeeyay ee Soomaali ah oo Mareykanka xil looga doorto.
Munaasabad lagu dhagax dhigayay Waddadan loogu magac daray Xuseen Samatar waxaa kasoo qeyb galay duqa Minnepolis Betsy Hodges, Duqii hore ee magaalada RT Reyback, Cabdi Warsame oo Xubin ka ah golaha deegaanka ee Minneapolis, Mas’uuliyiin iyo jaaliyadda Soomaaliyeed ee gobalka Minnesota.
Xuseen Samatar ayaa noqday qofkii ugu horeeyay oo Soomaali ah oo xil looga doortay gudaha dalka Mareykanka, waxa uu sidoo kale ahaa asaasihii Xarunta Afrikan Development Center oo ah goob hormarisa dhaqaalaha dadka afrikaanka ee gobalkan Minnesota.
Soomaalida qaxay ku tagtay wadamo badan oo caalamka kuyaala ayaa saameyn badan ku dhax yeeshay bulshooyinka ay la nool yihiin qaarkood, waxaana jira Muwaadiniin Soomaaliyeed oo Xildhibaano iyo Wasiiro ka ah Wadamo dhoor ah.
COMMENTS