Wararka ka imaanaya degmada Matabaan ee gobolka Hiiraan ayaa sheegaya in kolonyo uu la socday wasiirka arrimaha gudaha dowlada federalka lagu rasaaseeyay duleedka degmadaas.
Wararka ayaa sheegaya in iska hor imaad kooban uu dhex maray Ciidamada galbinayay Wasiir Sabriye iyo maleeshiyo hubeysan, waxaana ugu dambeyn degmada Matabaan laga saaray maleeshiyaadki hubeysnaa.
Wararka ayaa sheegaya in aysan waxyeelo ka soo gaarin wasiirka arrimaha gudaha Sabriye weerarka lagu qaaday kolonyadii uu la socday.
Hase yeeshee guud ahaan magaalada Matabaan ayaa waxaa la wareegay ciidamada dowlada federalka iyadoo sanadihii la soo dhaafay ay ku sugnaayeen degmadaas ciidamo daacad u ah ururka Ahlu Sunna.
COMMENTS