Xildhibaan Abiib ayaa dhammaan muwaadiniinta Soomaaliyeed, laga bilaabo Saylac illaa Raas Kambooni, ee si sharci-darro ah loo barakiciyey la qaybsaday war farxad leh.
Xildhibaanka ayaa shacabka reer Muqdisho ee Villa Somalia boobtay, kana barakicisay guryahoodii waxa uu la qaybsaday in ay u “tahay sharaf iyo waajibaad inaan ogeysiiyo dhammaan muwaadiniinta Soomaaliyeed – meel kasta oo ay ku sugan yihiin – in hadda ay haystaan waddo sharci ah oo ay cadaalad ku heli karaan, haddii guryahooda ama dhulkooda si sharci-darro ah looga qaaday. Xafiiska Xoghayaha Sare ee Qaramada Midoobay u Qaabilsan Xuquuqda Aadanaha (Office of the United Nations High Commissioner for Human United Nations Human Rights OHCHR) ayaa diyaar u ah inuu qaabilo oo uu baaro kiisaska shakhsiyaadka ay hay’adaha dawladda, bangiyada, ama cid kale si sharci-darro ah uga qaadeen guryahooda ama dhulkooda.”
XILDHIBAAN CABDULLAAHI XAASHI ABIIB OO KU GUULAYSTAY IN QARAMADA MIDOOBAY QABATO DACWAD KA DHAN AH VILLA SOMALIA IYO BOOBKOODA GURYAHA SHACABKA SOOMAALIYEED
Xildhibaan Abiib ayaa dhammaan muwaadiniinta Soomaaliyeed, laga bilaabo Saylac illaa Raas Kambooni, ee si sharci-darro ah… pic.twitter.com/T9nqvMGyeS
— Daljir Media (@radiodaljir) February 13, 2025
Xildhibaan Abiib ayaa shacabka Soomaaliyeed la qaybsaday in uu “helay jawaab la xiriirta kiiska aan gudbiyay 5-tii Febraayo 2025, oo ku saabsanaa shaqaalaha Bangiga Dhexe ee Soomaaliya (CBS) ee hantidooda si sharci-darro ah loogu wareejiyey Bangiga Premier ee Soomaaliya. Tani waa tallaabo weyn oo horey loogu qaaday isla xisaabtanka iyo xaqiijinta cadaaladda muwaadiniinta Soomaaliyeed oo dhan.”
Si loo aqbalo dacwadda muwaadinka, Xildhibaan Abiib waxa uu sheegay in muwaadin walba “u diraan xafiiskayga dukumentiyada hoose oo ku qoran luqadda Ingiriiska si loo gudbiyo kiisaskooda xafiiska Xoghayaha Sare ee Qaramada Midoobay ee Xuquuqda Aadanaha (OHCHR):
1. Warqad Aqoonsi iyo Ogolaansho La Xaqiijiyay (Notarized Affidavit)
• Warqad la saxeexay oo caddeyneysa in adiga, dhibbanaha, aad ii oggolaatay aniga, Xildhibaan Dr. Cabdillaahi Xaashi Cabdi, inaan kiiskaaga u gudbiyo Xafiiska QM ee Xuquuqda Aadanaha.
2. Dukumentiyada Xaqiijinaya Milkiyadda ama Deganaanshaha (Notarized Copies of Supporting Documents)
• Dukumentiyo sharci ah ama kuwo gaar ah oo caddaynaya in aad lahayd ama aad deganeyd hantida lagaa qaaday.
3. Dukumentiyada Barakicinta Sharci-darrada ah (Illegal Eviction Documents)
• Warqadaha, ogeysiisyada, ama caddeymaha muujinaya in si khasab ah laguugu barakiciyey ayadoo ay ku lug leeyihiin hay’ado dawladeed, bangiyo, ama ciidamada ammaanka.
4. Dukumentiyada Maxkamadda (Haddii Ay Jiraan) (Court Documents, if any)
• Haddii uu jiro xukun maxkamadeed ama kiis hore oo la xiriira barakicintaada.”
Xildhibaan Abiib ayaa ballanqaaday in “Maalmihii ay musuqmaasuqayaal, bangiyo iyo dabadhilifyadooda si xadgudub ah dadka masaakiinta ah hantidooda u boobi jireen iyaga oo aan wax ciqaab ah la kulmin ay dhammaadeen.”
Xildhibaanka ayaa digniin u diray ganacsatada iyo bangiyada gata guryaha la dhacay, waxa uuna u sheegay, “Dhammaan masuuliyiinta, bangiyada, iibsadayaasha sharci-darrada ah ee hantida la boobay, iyo ciidamada amniga ee ku lug leh barakicinta sharci-darrada ah waa la idinla xisaabtamayaa. Kiiskan wuxuu hortegi doonaa maxkamad caalami ah oo Qaramada Midoobay, waana mid go’aankeeda uu yahay mid waajib ku ah Soomaaliya maadaama ay xubin ka tahay maxkamaddaas.”
Haddii aad tahay dhibbane Villa Somalia ay dhacday dhulkiisii ama gurigiisii la xiriir Xafiiska Xildhibaanka oo lambadkiisu yahay WhatsApp: +1-571-436-7586.
> Daljir Media
COMMENTS