Wasiirka arimaha Dibada iran ayaa caawa ka qaybgalay Xaflada Wayn oo lagu xusayey Dhalashada Rasuulkeena CSW
Munaasabada diiniga ah ee “Rawa’at Rahmat” (روایت رحمت) waa xaflad weyn oo loo qabtay xuska sannad-guurada 1,500-aad ee dhalashada Nebi Muxammad (N.N.K.H). Xafladdan oo si heersare ah loo agaasimay waxay ka dhacday hoolka caanka ah ee Vahdat Hall ee ku yaalla caasimadda dalka Iiraan ee Tehraan.
Kulankan oo isugu keenay qaybaha kala duwan ee bulshada, waxaa si weyn uga dhex muuqday mas’uuliyiin sarsare oo ay ka mid yihiin Wasiirka Arrimaha Dibadda ee Iiraan iyo Wasiirka Dhaqanka iyo Hanuuninta Islaamka. Sidoo kale, waxaa goobjoog ahaa hoggaamiyeyaal ka socday diimaha kala duwan iyo culimo u taagan midnimada dadka Muslimiinta ah.
Ujeeddada ugu weyn ee munaasabaddan waxay ahayd weynaynta fariinta naxariista iyo nabadda ee uu xambaarsanaa Nebi Muxammad (N.N.K.H).
Intii ay xafladdu socotay, waxaa lag dhex sameeyay bandhigyo faneed iyo riwaayado ka tarjumaya taariikhda Islaamka, iyadoo lagu sharfay fannaaniinta iyo hal-abuurrada door ka qaatay faafinta Amaanta Iyo dhaqanka suuban. Rasuulkeena CSW .
COMMENTS