Warar qoraal ah oo lagu daabacay warbaahinta caalamiga ah qaarkood ayaa lagu sheegay in koox burcad badeed Soomaali ah ay gacanta ku dhigeen markab xamuul oo laga leeyahay dalka Hindiya.
Markabkaan oo ahaa mid Xamuul ah ayaa waxaa uu kasoo baxay Dekedda Magaalada Dubai waxaana uu kusoo jeeday Yemen, waxaaana falkaani uu dhacay April 1 waxaa la ogaaday in burcad badeed Soomaali ah oo hubaysan ay mas’uul ka ahaayeen afduubka.
Kabtanka markabka ayaa ku wargeliyay maamulka Abu Dubai iyo sidoo kale Mas’uuliyiinta dalka Imaaraadka Carabta.
Waxaa socda tilaabooyin deg deg ah oo lagu doonaayo in Markabkaasi lagu soo badbaadiyo. Markabka ayaa la Aaminsan yahay in lala soo aaday jihada Soomaaliya iyo Yemen.
FAALLOOYIN & FALCELIN