Wararka ka imaanaya magaalada Muqdisho ayaa sheegaya in barakicin iyo muran dhuleed ay saaka ka dhaceen xaafadda Warlaliska, halkaas oo la sheegay in dowladda ay dirtay ciidamo fulinaya howlgal ay dadka deegaanka ku tilmaameen mid lagu barakicinayo shacabka.
Sida ay sheegayaan dadka deegaanka, ciidamada ayaa dadka kala kulansiiyay cabsi iyo dhibaatooyin isugu jira garaacis iyo dil, iyadoo qoysas badan ay wajahaan xaalad barakac iyo hubanti la’aan ah.
Waxaa sidoo kale jira eedeymo loo jeedinayo qaar ka mid ah xildhibaannada iyo mas’uuliyiinta dowladda, kuwaas oo dadka deegaanka ay ku eedeeyeen inay ku lug leeyihiin muranka dhulka iyo howlaha la xiriira la wareegidda hantida shacabka.
Shacabka Muqdisho ayaa muddooyinkii dambe walaac ka muujinayay murannada dhulka, barakicinta qoysaska danyarta ah iyo cabashooyinka la xiriira awoodda loo adeegsanayo dadka deegaanka.
COMMENTS